Republica Federal
Enviado por tirifilo1234 • 23 de Enero de 2014 • 208 Palabras (1 Páginas) • 189 Visitas
Una república federal, ye un estato que ye una federación y una republica. Una republica se define como un estato an totz os gubernants y funcionarios publicos han estato esleitos democraticament y no pas por herenzio u designación d'un hombre. Asinas as monarquías constitucionals u parlamentarias no son republicas per se, ya que o chefe d'estato u monarca tien ista distinción de traza hereditaria, anque o chefe de gubierno siga esleito democraticament. As republicas pueden organizar-se politicament como republicas parlamentarias u republicas presidencialistas.
Una federación ye un estato formato por un numero de rechions autonomas (a sobén ditas "estatos"), unitas por un gubierno central federal. En una federación l'autogubierno d'as rechions autonomas (esleito democraticament por os ciudadans de dita rechión) ye reconoixito por una constitución propia y no puet estar revocato por una decisión unilateral d'o gubierno central.
Tres estatos se describen a si mesmos explicitament como republicas federals: a Republica Federal d'Alemanya, a Republica Federal de Nicheria y a Republica Federal Democratica d'Etiopía. Una variant d'iste nombre ye "republica federativa", que apareixe en o nombre oficial de Brasil. Antimás, Mexico y os Estatos Unitos se definen como "estatos unitos". No todas as federacions son republicas; por eixemplo Canadá y Australia tienen una monarquía constitucional federal, dividita en rechions autonomas.
...