Relativismo

BINTA Y LA GRAN IDEA.

1. O dereito a infancia véselle privado a moitos nenos e sobre todo a moitas nenas  de África que lles obrigan a facer as tarefas do fogar e demais labores como por exemplo coidar dos irmáns, cociñar… e non poden xogar e menos aínda ir a escola, considerada aínda en moitas familias un dereito so concedido ao fillo varón como no caso de Soda, a prima da protagonista que o seu pai non lle permitía ir a escola, porén o seu irmán si ía. Este caso contraponse ao de Binta que grazas a ter unha familia máis liberal pode estudar. Nesta película podemos observar que a pesar de careceren de recursos e instalacións apropiados na escola, os nenos mostran gran interese e motivación pola aprendizaxe, xa que son conscientes do privilexio que supón a escolarización.

1. Esta película foi promovida por UNICEF (Fondo das Nacións Unidas para a Infancia), programa pertencente a institución intergubernamental da ONU (Organización das Nacións Unidas ) que proporciona axuda humanitaria e desenvolvemento a nenos e nais en paises en vías de desenvolvemento. Enrédate, é un programa educativo que promoveu esta curtometraxe e que está dirixido a centros de ensinanza que fomenta o coñecemento dos dereitos da infancia e o exercicio da cidadanía global solidaria e responsable.

A mensaxe principal queda recollida na última frase ”os paxaros son moi listos porque collen o mellor do norte e o mellor do sur ”, é dicir, o avance tecnolóxico occidental e os valores da sociedade africana que impedirían que o afán de obter maiores riquezas leve ao esgotamento de recursos naturais e a guerra entre semellantes.

1. A “gran idea” que tivo o pai de Binta consistía en adoptar un neno tubab, é dicir un neno europeo  “para que poida en Africa desenvolverse como persoa, adquirir os coñecementos necesarios para ser feliz na nosa humilde comunidade, así este neno, cando sexa home poderá contribuir ao progreso da humanidade”.

Podemos interpretar esta idea utópica acomo un intento do autor de crear desconcerto e de facer reflexionar xa que dende o punto etnocéntrico da sociedade na cal vivimos, consideramos que o máis habitual fose que os nenos viñesen a coñecer a nosa cultura e non ao revés, como propón o pai de Binta.

...