Comercialización Transporte e Loxística (gal.)

Tarefa para CTL UD01

1. Actividade 1

Elabora o ciclo de vida da división de Servizos e Operacións Loxísticas de acordo cos datos de facturación. Propón a estratexia de márketing máis axeitada.

[pic 1]

CICLO DE VIDA

Das cinco etapas nas que se divide o ciclo de vida dun servizo (ou produto), o ofrecido pola división de Servizos e Operacións Loxísticas está aínda na fase de crecemento.

Nos primeiros meses este crecemento foi por veces tímido, mais sempre constante, agás os repuntes notables nas facturacións dos meses de abril a maio (este é un patrón que se dá nos anos 2020 e 2021, motivado polo incremento estacional da demanda neste servizo que se dá despois da Semana Santa —ou mesmo como anticipio do periodo estival—).

Non apreciamos ningún periodo de turbulencias. É dicir, nos primeiros meses non hai fortes convulsións na traxectoria (polo demáis sempre positiva) das vendas, agás os repuntes máis ou menos significativos de tipo estacional que xa comentamos no parágrafo anterior.

FASE DE CRECEMENTO

É precisamente no mes de maio do segundo ano no que se dá o maior incremento absoluto ata entón na facturación mensual. E é a partir de aquí cando as vendas do servizo comezan a experimentar incrementos maiores intermensuais, sobre todo nos meses de setembro e outubro de 2021.

Non vemos tampouco sinais de estancamento, xa que á sustancial taxa de incremento intermensual en decembro de 2021 (superior a un 12%), esperamos que se lle sume o esperado repunte estacional do mes de xaneiro de 2022 (mes do que non existen aínda datos).

ESTRATEXIA DE MÁRKETING PARA UNHA FASE DE CRECEMENTO

A fase de crecemento caracterízase por unha alta rendibilidade económica. Mais é neste momento no que é necesario investir toda a caixa dispoñible para financia-lo crecemento futuro e asegura-los recursos técnicos, comerciais e de comunicación adicionais que serán necesarios para soste-lo crescimento.

As estratexias que seguiremos terán como obxectivo retrasar o máximo posible a fase de madurez, na que as vendas se estancan. Algunhas delas son:

• Mellora-la calidade do servizo ofrecido.
• Incluír novos servizos (ou características novas ós servizos existentes no noso portafolio) para acompañar ó crecemento na nosa cuota de mercado.
• Entrar en novos segmentos de mercado.
• Se é posible, mante-los prezos nun nivel que asegure a nosa competitividade no mercado, mais que garanta o maior nivel posible de beneficios para soste-lo noso crecemento no corto e medio prazo (con todo, e no caso de que os beneficios comecen a ser baixos, pódese optar por reduci-la marxe para incrementa-la demanda).
• Incrementa-los canais de distribución, para ter máis oportunidades de vende-lo servizo a novos clientes, ademáis dos existentes.
• Cambia-lo estilo das comunicacións de márketing, mudando dende a “introdución” do servizo cara a “preferencia” do servizo:

• Introdución do servizo: os esforzos na comunicación van dirixidos a que os clientes coñezan/recoñezan o noso servizo fronte ós servizos da competencia.
• Preferencia do servizo: os clientes xa están familiarizados co noso servizo e, polo tanto, o estilo de comunicación cambia cara unha comunicación máis directa cos clientes que reflicta o que eles agardan do noso servizo.

1. Actividade 2

Calcula o prezo ó que debes ofrecer un servizo para que se poida obter unha marxe do 30% sobre o coste.

Coste de elaboración do servizo:

• Coste fixo: 500.000 €.
• Coste variable: 7.500.000€
  [750.000 unidades * 10€ = 7.500.000€]
• Coste total: 8.000.000€
  [7.500.000€ + 500.000€ = 8.000.000€]
• Coste unitario: 10,67€ 
  [8.000.000€ / 750.000 uds. = 10,67€]

Prezo final do produto, incluída a marxe:

• Marxe requerida: 30%.
• Prezo polo que se debe comercializa-lo produto: 13,87€ 
  [10,67€ * 1,30 = 13,87€]

...