Cuentos En Nahuatl

TEKICHPO IKA KUATLALNAMIKILISTLI.

Se nonali se telpokatl yajki kipaxaloto se itekichpo, uan nopa telpokatl, kiuikayaya kaxtolpuali itomi, uejkaki mokamouijtoya itekichpo ikalijtik, teipa momakajke ika se tlajpaloli, uan kikuepilito nopa telpokatl, kema asito ikalijtik, nopa itomij axkiuikayaya, nopa telpokatl konanki mokuesoua, seyaual motepostojtokak kanke kikajki nopa itomi, uan axkemaj kilnamijki kanke kikajki, uan ijkinoj panok miak meestli , uan se tonali mopantijke uan se tonali nojua mopantijke, uan telpokatl kiipouili nopa itekichpo tlen ipantik, kemej yajki kipaxaloto , uan itekichpo kinankili, amo ximokueso telpokatl, nopa motomij axkanaj tijpolojtok, na nijpanti, uestoya uan nijtlananki, teipaj nikajkokuik, kemaj telpokatl kikajki nopa kamanali tlauel pajki uan kitlaskamatilij miak , nompa itekichpo , uan kiiljui , ma toteko mistlaxtlaui nopa mokuatlalnamikilis, uan teipa nopa itekichpo kikuito nopa tomij uan kiimajtili nopa telpokatl.

Kemej ni tlami ni tlatenpoualistli uan nikintlatlanili nochi tomaseualpoyoua, kemej ne konemej uan nochi toueueyi maseualpoyoua manojki kichiuaka kemej ne touampo kichijki.

Nelmiak tlaskamati.

JULIA GISELA BAUTISTA SAN JUAN

SE PILTOTOTSI

Eliyaya se piltototsi tlauel pilyeyejtsi uikayaka mojmostla, se tonali kichijki itepasol panok tonali uan tlakatijke piltototsitsi, kemaj yajki tototl kitemoti pilokuiltsitsi tlen kiikuase ikoneua, se okichpil achi kentsi sentlajtik kipijpichi uan kemaj tototl kentsi moixijkueni ni okixhpil kimakili ika se tlateuijtlajtli uan kitepixiui tototl uan moeltlapalkoko , patlanki uan moketsato ipan se kuauitl pejki kitlachilia ieltlapatl uan okixpil moisiuilti uan kiiski, kemaj kiiski kikajki tsatsi piltototsitsi, kitlayokoltij tototl uan kintlamakaj ikoneua.

Kejni okichpil ayojkemaj kinmotlak totomej.

WENDY YOLE LOPEZ BAUTISTA.

MOSISINIJKA TOTLAYI.

Eliyaya se totlayi tlen nochi tonali kinuitekiyaya itlapiyalua ipilpoloko uan pilchichi eyi yauiyaya onkuakuauiyaya uan kemantika nopa totlayi kemaj kiitayaya nopa ipilpoloko tlaxikojki nopa totlayi kikuiyaya se kuauitl uan kitopomiliyaya uan nopa pilpolokotsi ikaoui moketsayaya, nochi tonali eliyaya kejnopa, asiko se tonali ayojuelki moketsa nopa pilpoloko. Uajka pejki kinonotsa nopa iteko kampa kiilui amo texmakili, etik ni kuitl uan axuili nimoketsa, nopa iteko kikajki nopa kamanali pejki motlalo uaya nopa ipilchichi, uan kemaj tlaxikoto moketski uan kijtoiki axkemej nijkajtok tla se tlapiali kamati, uan kemaj kikajki nopa ichichi nojki kinankili, yonna axnijkajtok, uajka nopa totlayi sanimaya momajmati uan ayojkemaj ninmakili itlapiyaljua,

ALDRIN YAZIR NARANJO PEREZ.

...